კეტამინი sample

კეტამინი ( ვიტამინ K; Special K; კიტ-კეტი; კეტა; K) არის ჰალუცინოგენ-დისოციაციური და ანესთეზიური საშუალება, რომელიც სამედიცინო მიზნებით გამოიყენება როგორც ადამიანებში, ისე ცხოველებში.


〉 პირველად სინთეზირდა 1962 წელს და გამოიყენებოდა ანესთეზიაში ფენციკლიდინის ალტერნატიულ საშუალებად. დღესდღეობით კეტამინი ხშირად გამოიყენება ჩვილებში ან მსუბუქი ქირურგიული ოპერაციებისას ანესთეზიურ საშუალებად. ყველაზე ხშირად კი გამოიყენება ვეტერინარიაში.
კეტამინი შედის ჯანდაცვის მსოფლიო ორგანიზაციის (WHO) ძირითადი მედიკამენტების სიაში.
〉 კეტამინის დაბალ დოზას აქვს ალკოჰოლური თრობის მსგავსი ეფექტი. დიდ დოზას კი შეუძლია გამოიწვიოს დისოციაციური ან ფსიქოდელიური ეფექტები.
 სამედიცინო დანიშნულების კეტამინი არის გამჭირვალე თხევადი სახის. “ქუჩის” კეტამინი კი ძირითადად არის თეთრი ფხვნილი, მარილის მსგავსად ან წვრილად დაფშვნილი შუშის ნატეხების მსგავსად​

“სწორი” დოზის მიღება ინდივიდუალურია და დამოკიდებულია ისეთ ფაქტორებზე, როგორებიცაა: წონა, გენდერი, მეტაბოლიზმი, ბოლოს როდის მოიხმარე ესა თუ ის ნარკოტიკი, და სხვა. 

 

ინტრანაზალური გზით – შეყნოსვა ყველაზე გავრცელებული მიღების გზაა.  ფხვნილს ყოფენ ხაზებად ბარათის დახმარებით და იყნოსავენ ტუბით ან დახვეული ქაღალდით. ერთი და იგივე ნესტოთი ხშირი შეყნოსვა იწვევს წყლულების წარმოქმნას ცხვირში და აზიანებს ძგიდს.

მსუბუქი დოზა: 15-30 მგ

გავრცელებული დოზა: 30-75 მგ

ძლიერი დოზა: 60-125 მგ

მძიმე (“K-ხვრელი”): 100-250 მგ

ორალური გზით –  მიღებისას ეფექტები ოდნავ განსხვავდება. მისი “ბომბი“-ს სახით მიღებისას (დოზის შეფუთვა სიგარეტის ქაღალდში) ეფექტის დადგომას სჭირდება მეტი დრო და იზრდება მოქმედების ხანგრძლივობა.

დაღეჭვა არის მეორე გზა. მცირე დოზას ათავსებენ ტუჩის შიგნით ან ღრძილებზე, რამაც შეიძლება გამოიწვიოს ტუჩების ან ღრძილების დაზიანება. ამ გზით მისი მოხმარება ყველაზე არა პოპულარულია  მომხმარებლებში, უსიამოვნო გემოს გამო

მსუბუქი დოზა: 50-100მგ

გავრცელებული დოზა: 75-300 მგ

ძლიერი დოზა: 200-450 მგ

მძიმე (“K-ხვრელი”): 500 მგ+

ინექციური გზით – კეტამინის ინექციური მოხმარება ყველაზე საზიანო გზად ითვლება. მისი ინექციურად მოხმარება სწრაფად აყალიბებს დამოკიდებულებას.

მსუბუქი დოზა: 15-30 მგ

გავრცელებული დოზა: 25-50 მგ

ძლიერი დოზა: 40-100 მგ

მძიმე (“K-ხვრელი“): 60-125 მგ

ინტრანაზალური გზით  (შეყნოსვა)

დაწყება: 5-15 წთ

ხანგრძლივობა: 40-60 წთ

პოსტ-ეფექტები: 1-3 საათი

ორალური გზით

დაწყება: 5-20 წთ

ხანგრძლივობა: 90 წთ

პოსტ-ეფექტები: 40-80 წთ

ინექციური გზით

დაწყება: 1-5 წთ

ხანგრძლივობა: 1-2 წთ

პოსტ-ეფექტები: 2-4 საათი

ეფექტები

აქ არის ჩამოთვლილი ყველაზე გავრცელებული ეფექტები, რომლებსაც უმეტესწილად მომხარებელი ერთბაშად არ განიცდის;

მოსალოდნელია ისეთი ეფექტებიც, რომელიც არ არის ჩამონათვალში მითითებული.

ნეგატიური ეფექტების ალბათობა იზრდება დიდ დოზებზე.

ენერგიის მოზღვავება

ფეხების დაბუჟება

ეიფორია

მოდუნება

მისტიკური, სულიერი გამოცდილება

სამყაროსთან (სულიერ, უსულო საგნებთან) კავშირის გაძლიერებული შეგრძნება

სენსორული აღქმის დაკარგვა

მხედველობითი ვიზუალები

სხეულის გონებისგან მოწყვეტა - დიდი დოზების შემთხვევაში ხშირია გონების სხეულისგან ისეთი დაშორება, რომელიც ჰგავს სიკვდილთან ახლოს ყოფნას და აქვს რეალისტური ვიზუალები

დროის აღქმის ცვლილება

ტკივილის შეგრძნების დაქვეითება

მეხსიერების პერიოდული დაბინდვა

დისკომფორტი ცხვირის მიდამოებში (შეყნოსვისას)

ძლიერი დაბნეულობა, გაფანტულობა

პარანოია

გულისრევის შეგრძნება და ღებინება

შფოთვა

სხეულის მართვის უნარის დაკარგვა

დეპერსონალიზაცია

ძლიერი დისოციაცია

ცნობიერების დაბინდვა

თრობის მდგომარეობიდან გამოსვლა იწყება

საკუთარი სხეულის შეგრძნებით,რასაც თან ახლავს უსიამოვნო დისკომფორტი კუნთებში, ჩხვლეტის შეგრძნება, მოძრაობის კოორდინაციის აღდგენა ხდება თანდათანობით

ზედოზირების ნიშნები

ღებინება

აღგზნება ან პირიქით, გაბრუება

დაღლილობის შეგრძნება

დროსა და სივრცეში ორიენტაციის დარღვევა

საკუთარი სხეულის სქემის აღქმის დარღვევა

მხედველობის და სმენის დაქვეითება

ტკივილი გულმკერდის არეში

სუნთქვის შენელება

არითმია

ნობიერების დათრგუნვა / კომა

დარეკე 112-ზე

თუ ჩამოთვლილი სიმპტომებიდან რომელიმეს შეამჩნევ საკუთარ თავს ან მეგობარს, დაუყოვნებლივ მიმართე დასახმარებლად ვინმეს. დარეკე 112-ზე.

წყაროErowid

ზედოზირების მართვა

რა უნდა გავაკეთოთ

  • გამოიძახე სასწრაფო სამედიცინო დახმარება (112) ან თვითონ გადაიყვანე დაზარალებული უახლოეს სტაციონარში. (ტრანსპორტირებისას დაზარალებული დააწვინე მარცხენა გვერდზე, თუ ზურგზე წევს, მაშნ თავი მიუბრუნე გვერდზე პირნაღები მასების სასუნთ გზებში გადასვლის თავიდან აცილების მიზნით)
  • არ დატოვო დაზარალებული მარტო, დახმარებისათვის მოუხმე სხვებსაც;
  • არ მისცე არანაირი ნარკოტიკი ან სხვა მედიკამენტი, ალკოჰოლი, ყავა და ჩაი;
  • არ ჩააწვინო აბაზანაში – შეიძლება დაიხრჩოს
  • არ გამოიწვიო ხელოვნური ღებინება

თუ ადამიანი არის უგონოდ, მაგრამ სუნთქავს და აქვს ცირკულაციის ნიშნები

 1.  დადექით მუხლებზე დაზარალებულთან ახლოს.  გაუშალეთ ხელები და ფეხები. ამოუღეთ ჯიბეებიდან მახვილი საგნები. დაზარალებულის თქვენთან ახლო მყოფი ხელი  მოხარეთ და გადადეთ იატაკზე, დაზარალებულის მეორე ხელი მიუტანეთ მოპირდაპირე ლოყასთან

2. თქვენსკენ თავისუფალი ხელით მოუხარეთ ფეხი მუხლის სახსარში და გადმოაბრუნეთ დაზარალებული თქვენსკენ გვერდზე;

3.  სხეულის გადმობრუნების შემდეგ დაზარალებულის თავი მოათავსეთ მისივე ხელის მტევანზე

4. მოხარეთ ფეხი მენჯ-ბარძაყისა და მუხლის სახსრებში.

გაწიეთ დაზარალებულის მეორე ხელი გვერდზე, ისე რომ ის არ მოყვეს სხეულის ქვეშ

ურთიერთქმედება

სხვადასხვა ნივთიერებისა და მათი კომბინაციების შერჩევისას, 100%-ით ნუ დაეყრდნობი  კომბინაციების ცხრილს, რადგან მოხმარების შემდგომი ეფექტები ინდივიდუალურია და შეუძლებელია მათი აბსოლუტური სიზუსტით წინასწარმეტყველება. პასუხისმგებლობით მოეკიდე და გაუფრთხილდი საკუთარ ჯანმრთელობას და სიცოცხლეს.

 

წყარო: TripSit

რა უნდა იცოდე

გატესტე

მიზანშეწონილია ყოველთვის  შეამოწმო რა ნივთიერებას მოიხმარ. შავ ბაზარზე კეტამინის სახელით ხშირად სხვა ნივთიერებები იყიდება, რომლებიც მოსალოდნელზე უფრო ძლიერ ეფექტებს იძლევიან

ყოველთვის გამოიყენე სუფთა და ახალი შესაყნოსი ხელსაწყო

ჰიგიენის დაცვას შეუძლია ზიანის შემცირება. თუ კეტამინს ინტრანაზალური გზით მოიხმარ, ყოველთვის გამოიყენე სუფთა და უხმარი შესაყნოსი ხელსაწყო, რადგან შესაყნოსი ხელსაწყოების გაზიარებისას,  ინფიცირების რისკი მაღალია

დარწმუნდი, რომ ფხვნილი წვრილად არის დაფშვნილი

რეგულარული ინტრანაზალური გზით (შეყნოსვა) მოხმარება აზიანებს ცხვირს. თუ მიუხედავად რისკებისა, მაინც გაქვს გადაწყვეტილი კეტამინის მოხმარება, ჯერ დარწმუნდი, რომ ფხვნილი კარგად (წვრილად) არის დაფშვნილი. მოხმარების შემდეგ წყლით, ფრთხილად გამოიწმინდე ნესტოები.

მოხმარებამდე 1,5 საათი ნუ მიიღებ საკვებს

კეტამინის ზემოქმედების დაწყებას შესაძლოა თან ახლდეს გულისრევის შეგრძნება, ამიტომ სასურველია მის მოხმარებამდე საათნახევარი არ გქონდეს მიღებული საკვები

არ გააზიარო საინექციო ხელსაწყოები

კეტამინის ინექციური მოხმარება აზიანებს ვენებს. ინექციური ხელსაწყოს (ნემსის, შპრიცის) გაზიარებამ შეიძლება დააინფიციროს ადამიანი აივით, ც და ბ ჰეპატიტით. “ქუჩის” კეტამინის ინექცია უკავშირდება სხვა რისკებსაც მასში სავარუდო უცხო ნივთიერებების შერევის გამო.  თუ მიუხედავად რისკებისა, მაინც გაქვს გადაწყვეტილი კეტამინის ინექციური მოხმარება, გამოიყენე მხოლოდ სამედიცინო კლასის თხევადი კეტამინი და ყოველთვის გამოიყენე ახალი და სუფთა საინექციო ხელსაწყოები

ზემოქმედებისას იყავი უსაფრთხო და ნაცნობ გარემოში

ძალიან მნიშვნელოვანია როგორ გარემოში მოიხმარ კეტამინს. თუ მისი დიდი დოზით მოხმარება გაქვს გადაწყვეტილი (რომლის დროსაც მოძრაობის უნარი ქვეითდება და ასევე შეიცავს სხვა საფრთხეებს),  სასურველია იმყოფებოდე უსაფრთხო და ნაცნობ გარემოში. კარგია თუ გვერდით გეყოლება გამოცდილი და ფხიზელი ადამიანი

კარგად იკვებე, გამოიძინე და ივარჯიშე

ძირითადი ეფექტი დაახლოებით 1 საათი ან ნაკლები გრძელდება, მაგრამ გავლენა კოორდინაციაზე, განსჯის უნარსა და სენსორულ აღქმაზე შეიძლება 18-24 საათიც კი გაგრძელდეს.

ჯანსაღი ცხოვრების წესის შენარჩუნება მნიშვნელოვანია ფიზიკური და ფსიქიკური ჯანმრთელობისთვის. ასე, რომ კარგად უნდა იკვებო, გამოიძინო და ივარჯიშო

რისკები

დამოკიდებულება

კეტამინს აქვს მასზე დამოკიდებულების მაღალი პოტენციალი, მიუხედავად იმისა, რომ მას არ აქვს ფიზიკური დამოკიდებულება, ზოგიერთ მომხმარებელში შეუძლია გამოიწვიოს ფსიქოლოგიური დამოკიდებულება.

ტოლერანტობა

კეტამინის რეგულარული მოხმარება დაკავშირებულია ტოლერანტობის სწრაფ ჩამოყალიბებასთან, ამის გამო მომხმარებელი იღებს უფრო და უფრო მეტ დოზას, მისი თავდაპირველი ეფექტის მისაღებად.

ურინარული პრობლემები

ხანგრძლივი და რეგულარული მოხმარება იწვევს ურინარულ (საშარდე გზების) პრობლემებს. ყველაზე რთულ შემთხვევაში კი, შეიძლება საჭირო გახდეს შარდის ბუშტის ამოღება.
თუ მოიხმარ კეტამინს და გაქვს პრობლემები მოშარდვასთან დაკავშირებით, სასწრაფოდ შეწყვიტე კეტამინის მოხმარება და მიმართე შესაფერის სპეციალისტს დასახმარებლად. ზოგიერთი ადამიანი არჩევს ამ ტკივილის დროებით გაყუჩებას კეტამინით, რომელიც საბოლოოდ უფრო მეტად ართულებს პრობლემას და შეიძლება გამოიწვიოს უფრო სერიოზული დაზიანებები.
ზოგიერთი საშარდი გზების პრობლემების მოგვარება შესაძლებელია მკურნალობით. მწვავე დაზიანების შემთხვევაში პაციენტს ესაჭიროება დიალიზის აპარატის გამოყენება სიცოცლის ბოლომდე.
ძალიან მნიშვნელოვანია, რომ საშარდე გზების პრობლემისას დაუყოვნებლივ შეწყვიტო კეტამინის მოხმარება.

“ფლეშბექის” სინდრომი

კეტამინის დიდი დოზებით მოხმარება ავითარებს ე.წ “ფლეშბექის” სინდრომს, რომლის დროსაც ტვინი მოულოდნელად წარმოქმნის ნეგატიურ გვერდით მოვლენებს. მსგავსი ეპიზოდები შეიძლება გამოვლინდეს ნებისმიერ დროს: მანქანის ტარებისას, სამსახურში ან ძილშიც კი. მიუხედავად იმისა, რომ არსებობს თერაპიები, რომლებიც ამცირებენ “ფლეშბექებს”, არ არსებობს შესაფერისი მკურნალობის მეთოდი, რომელიც შესძლებს მის საბოლოო აღმოფხვრას.

დისტონია

კეტამინის რეგულარული მოხმარებისას შეიძლება განვითარდეს დისტონია (სისხლძარღვებისა და კუნთების ტონუსის მოშლა). ეს არის მდგომარეობა, რომლის დროსაც კუნთები ხდება იმდენად დაჭიმული, რომ ადამიანს არ შეუძლია მისი კონტროლი. მიუხედავად იმისა, რომ კეტამინით გამოწვეული დისტონიის მკურნალობა შესაძლებელია, მისი რეგულარული მოხმარების შემთხვევაში შეიძლება ისეთი სახის დაზიანება მოხდეს, რომ მკურნალობამ ვერ გამოიღოს სასარგებლო ეფექტი.

გულის პრობლემები

ზოგიერთ მომხმარებელში კეტამინი იწვევს არტერიული წნევის და პულსის მკვეთრ მატებას. ნივთიერება როდესაც გამოდის ორგანიზმიდან, გული ცდილობს დაუბრუნდეს მის ჩვეულ მდგომარეობას. თუმცა, თუ ადამიანს აქვს გარკვეული პრობლემები გულთან დაკავშირებით, კეტამინის მოხმარებამ შეიძლება გამოიწვიოს სტრესი გულმკერდზე, რაც არსებულ გულის პრობლემებს გაართულებს. უმეტეს შემთხვევაში ეს დაზიანება შეუქცევადია.

წყარო: The Canyon Malibu